這幾天從我的遺物(遺忘了的物體)中找到了一些印記…想當年，去了人生第一次交流團，目的地是中國湖南‧汝城。
聖誕後出發…
湖南汝城樂而忘返之旅的第一天
二零零三年十二月二十六日(星期五)
晨早六點……鈴鈴鈴﹗唔想起身之下，起左身。
連太陽阿伯都未起得切身既時候，我就已經咩左呢幾年來最大、最重既背包出門口lu~
由6:30分集合，7:00正式出發，7:30過完關兼夾到左深圳，仲要坐向「口岸茶餐廳」到炭早餐，幾有效率﹗炭完早餐，就踏上我地既征途了﹗
8:16分再次起行，去趕火車，但係趕唔切，唯有轉搭0823既xxxx號列車到廣州東站，要粒幾鐘時間，即是話9:4x分先到廣州東站轉車。Haha~~好野﹗係正野來架，一輛豪華五星級的旅遊車。為時八個幾鐘既車程，正式開始﹗轟…
由十點正出發計，到18:xx先踏入第一晚的「借宿一宵」地—湘民賓館(國營的)，要作八個鐘﹗﹖係，冇計錯﹗只不過係連埋中午餐晏仔計者~~
食過早飯，
又食過午飯(向韶關既”放華隆大酒樓”)，
吾…個胃唔開wor，d野食浪住浪住，心知不妙了。阿胃小姐發我脾四。我地又來今年第三次既「消化不良」既節目喇﹗oooooooooo………..
呢個遊戲節目玩法只得一個，
就係嘔清哂，就舒服哂﹗
幸好，我都捱得到﹗
感謝莫榮桂先生及時幫我暢我想嘔呢個消息出去，如果唔係，我就唔會落到車，去吸啖新鮮空氣。
亦感謝姚太，一個很好的方法，抑制作嘔作悶。就係大大力咁禁實食指與姆指之間的穴位。(吾，我要介紹比阿甘先)
感謝卡娜幫我按穴。
感謝阿沙，比暈浪丸我吃。
感謝唔記得係邊位讓個通風位過我透氣。
亦都好多謝阿司機叔叔的「開解」及體諒，雖然佢好坦白~
最後感謝，當然係祢啦﹗我的天父，給予我足夠的能量，捱過幾粒鐘的車程，比我睇到祢精心佈置的中國大陸。仲要比我捱得過個由湖南汝城縣、縣政府搞既歡迎晚會後，我先嘔。係嘔得幾痛苦，不過跟住一覺訓天光，好舒服，好爽﹗thx^^~~
湖南汝城樂而忘返之旅的第二天
原本要返工的日子，但係都要早起~~
尋晚元氣大傷，不過嘔完之後=> wowo舒服哂~~~~^^
其實我的既身子唔係虛弱到坐唔到長途車，只不過係撞岩一年會發生一、兩次既消化不良現象。又咁岩係去親善之旅既第一日發生今年第二既「嘔」現象者~~
好﹗係2nd day trip~~
早餐過後，冇事發生à 搭靚車去汝城既唔知邊一端，再轉乘一樣永世難忘既交通工具就係\\\ ~奪命拖拉機~///!!!!!
阿共青團既同胞話呢個奪命的拖拉機係唯一通往山區、兼且可以載到好多人既交通工具喎~~~~吾，係，只不過我見到d電單車咁順暢，有羨慕lor~~
幸而，三粒鐘的奪命狂登，都幾痛~
個pat同我講話，佢雖則就幾有彈性，只不過喎，佢畢竟唔係一個設計舒適，能抵受咁高沖激既pat~佢叫我坐完拖拉機先生之後，記住﹗記住﹗記住﹗要幫佢捽跌打酒，如果唔係，佢雪白既皮膚，恐怕會出現一逹逹既瘀血~~~
我個pat竟然咁鬼高要求~~~
只不過，佢痛到我要企起身坐攞我命三千拖拉機，唔緊要~~~共青團d同胞們都好鍚住我地既，比我地每走完三分一既路程之後，就比我地伸展五分鐘咁啦~~~~…<香港人耶，真難服待。幹嘛要休息，區區的一段路而已~~>我相信佢地會咁講，因為比我都咁講~~~o: >
經過三粒鐘既拖拉煎熬之後，and finally here…
親善團終於到逹西邊山一個不起眼的山村了﹗
他們受到村民的熱情招待及歡迎，感到好不開心及興奮﹗
他們下車後，看見村民的店舖上貼著一張張的紅紙，寫道︰「热烈欢迎香港同胞﹗祝身体健康﹗万事如意﹗」
但原來要進入世外桃源既旅程仲未完~~
我地要登上當地人可以以五分鐘腳程完成，而我要用多十五分鐘先可以到逹既山丘上住宿加食飯…
到逹農家已經係兩點幾既時份lu~~~
「酒不能不喝，又不能喝太多，一点点就可以喇~~~」山區餐前、進餐時、餐後的常用語~
食埋飯~~同當地既村民打下交道，就開始呢一日的活動~~~好似講左好耐，但係都未到point 咁~~~hahah~~係lor呵~~
係﹗我地左三team－ 我地果ｔｅａｍ就去左睇一個叫做「瑤」既物體既製炭地方參觀～～
個瑤呢就好以個迷你蒙古包咁，但係又好似鹽焗鶏個殼咁，當然仲污糟ｄ同埋有ｄ炭屎積向上面啦～～不過到目前為止，我都未完全清楚製炭既過程，我大約記得係à
一、 先上山斬哂d木落來
二、 用木頭車將d木運落去呢d瑤既地方
三、 將d木塞入去蒙古包中
四、 向呢d瑤下面有個洞，就係用來點火
五、 點火+著火
六、 好似「梅」番薯咁「梅」黑d炭
七、 完成~~
成個製炭過程需時一整月的時間，而佢地只賺到$500./蚊only
超辛苦lor~~所以奉勸各位，唔好用炭自殺，因為真係好公鼻﹗同埋好浪費製炭既同胞們~~
參觀完阿瑤小姐之後，我地又返返黎我地棲息之所，劈柴餵鶏煮飯。
劈look柴不易，煮餐飯不難，但用接迎0度既水洗菜，簡直好似同左方力尖進入左個冰極世界咁﹗爽~~~~~到振‧
好耐都未試過一大班人玩煮飯仔。呢一晚，haha~~大城小廚~~我地班友一於就落手落腳，煮返幾味過我地嘆啦~~~
不遜，不遜…
我都有大顯廚工，炒左碟炒芽菜，hahah~~果然﹗唔係熟手技工，炒lone左~~~hahaha~~~唔係好燶者，都未有阿嚴咁黑~~~
其實點解炒lone呢，係有原因架~~~
因為窗外，有粒極亮，極大粒既星~~比我望到~~~
於是就…………呢晚食完我的lone芽菜之後，睇星星啦~~~
星呀~~~~星呀~~~~~織女星、金星、木星、哈雷彗星、北斗星、兜巴星、周星星…好多星呀~~~
從未見過咁多咁多星…
繁星真令人感動，
流星更令人激動﹗激動?!係激動到嗌左出來~~~
五粒流星，唔想訓喇~~~
不過都要養精蓄銳既，團友們，一齊望住個天，數十秒，合埋眼~~~
湖南西邊山的繁星夜景，永恆的載到我腦海深處~~~~
Good night~~~~
湖南汝城樂而忘返之旅的第三天
「晨早起床清新開朗，陽光溫暖帶來無限美~~~~」
連綿的山村秀色，陽光在樹林間穿流不息，真令人嘆為觀止﹗如此良晨美景，花兒也動情~~~~
咁早晨，食個田園早餐先~~~
(----------------------------)
食過早飯後，我地就~~哈哈~~~掘冬筍~~~~
我地係去一個竹林到掘，雖然唔係好似「竹林深處人家」咁柳暗花明又一村，但，足以令我個無啦啦腳震、一步一驚心既怪怪人行到「一岩一弗」兼嚇親老街坊~~~唔好意思~~可知道，人係有局部缺點既~~
到左竹林，look落去d竹根到掘荀小姐~~~
阿荀，的的確確係幾矜貴。皆因佢係沿住d竹樹既根出世，仲要係要培育佢成才的話，要等成一、兩年bor~~~所謂冬荀，係要趁冬天就好掘佢出來，如果唔係，下年請早﹗注意，冬荀係冇種子喎，咁點呢﹖聽天尤命啦~~
總括而言===
"掘左未必有,但係唔掘就一定冇!!!"
基本上，同尋寶冇乜分別~~~
(--------------------------------------)
After 一輪尋寶之後，我地來到西邊山的一逹「喉嚨世外桃園」。
------───飲蜜糖───------^o^v
Yummy~~~清+甜=解渴lor~~~
蜂場d蜂巢裡面有好多蜜蜂BEE~~~
蜂人話比我地聽，好多蜜蜂BEE唔見左隻冇緊要，最緊要唔好唔見隻蜂后小姐，如果唔係蜂B就會跟住走。話口未完，佢摷左隻蜂后出來，仲比佢周圍飛添~~~即係~~~~HAHAH~~~
不過，阿蜂人有一身練耳擒拿既好武功，一手就捉返個財路返來~~~~~~勁﹗
(----------------------------------------------)
又吃過午飯後，正式展開我地親善團既重要任務喇~~~~
我地徒步行去一間小學。
呢間小學只有一班學生，一個校長兼老師兼校工兼……一個人負責哂全間學校既事務，間直唔可以唔比d掌聲呢位真正既龍的傳人﹗﹗我比廿五個叻佢~~~超人來架~~~~
教村內既小朋友英文話難唔難、話易唔易，但係佢地真係好認真咁去學、去讀﹗咁就真係very good 喇﹗haha~~~~
接住落來，地方冇變，但人變左喎﹗因為下一part 就係要為村中的長者測脂量血壓~~~好似個護士咁~~~haha~~~一個一口流利普通話既「哎呀護士」haha~~~好好玩~
一天，又過去~~臨訓前，同團友們圍向個火爐前談笑風生，hahahah~~~有位同胞仲同我地講左好多笑話同鬼故(係真喎，我就唔係好信喇)hahahah~~~早抖~~~~
湖南汝城樂而忘返之旅的第四天
第四日呢~~~呢一日，係住向好好人屎西邊山村既高人一等醫生家族既最後一日，上車既時候，抬頭一望，見到一大班小朋友一齊嗌哂咁，佢地係尋日我地教既果班小朋友仔﹗好開心，佢地既歡送聲之中，有我地尋日教佢地既「how are you」、「I am fine」﹗太感動了﹗
Hah~~突然醒起，titanic 阿jack 上船既第一句，向住岸上既人講「I will never forget you!!!」then~~~
攞我命咁又搖左三粒鐘~~~爽~~woow~~~
我唔知暈左幾耐~~
好彩既係，阿領隊=我地既東道主=阿葉劍峰先生話比我地聽，前面有人爆石~正確d咁講，其實係d工人們為村民的生活方便而設，佢地不顧一切咁正爆條路，令條路闊多三米~~~令我地向條上又多左粒幾鐘的被迫”忙裡偷閒”。粒幾鐘既時候，跟一位同我同車的村民，同屋的醫生太太傾計。原來佢有四個仔女架啦~~~佢話「佢地個個都好生性。我得閒都出城去佢地果到住架~~」婆婆輕嘆一聲，又話︰「我做到十隻手指頭都掘哂，望就望d仔女，讀好d書，有份好工。唔駛好似我地咁，仲咁窮就老懷安慰喇」談笑間，眼見這位婆婆講起佢兒女既事，佢好開心。佢差唔多將自己一生所賺既，所用既都比哂自己d仔女咁濟~可惜既係，婆婆身體並唔係好健康，佢隻眼成日都標眼水，令佢隻眼成日都水汪汪咁。雖然迷人，但係佢好辛苦~~
無奈，我又唔能夠幫到佢d乜~~
唯有，願主祝福及眷顧妳吧﹗
終於，都爆完石lu﹗hahah~~
原本經此一疫之後，可以快快樂樂上學去(因為要去附城第一中學探訪)…誰不知，我地既司機都好心急送我地出去既，但係佢真係開得快過平時，連架拖拉機先生都走到氣來氣喘，佢好唔爭氣咁拋錨，ship~~死火……hahahahahahahahahaahha~~~once and again???!!!!!梗係唔係啦~~~
我地係龍的傳人，區區一個死火，點會難到我地丫﹖﹗
沈默寡言既司機依然沈默寡言咁不斷搞佢，只要有恆心，鐵柱磨成針﹗轟~~~搞掂~~~又過一關~~~
我地係咪打緊大佬呢﹖
我諗係喇~~~因為行唔夠兩步，最頭既隊伍爆鈦~~~haahaha~~~
又正因為我地係龍的傳人既關係，打呢個大佬係易過借火啦~~~
還掂”乘坐”拖拉機都唔係坐既時候，why not 企呢﹖
於是我地做左個創舉，就係十嘟個唔計司機同前坐乘客企向同一部拖拉機上被佢拖出去~~~好勁呀我地~~~wahahah~~~
永遠唔會忘記這樣的經歷﹗
更唔會忘記坐拖拉機既沿途大唱舊歌、詩歌，特別係哥哥的追同埋sfac 既校歌~~~~~hahahahahahha~~「敬德修業，敬主愛人~~~~~」hohohohoh~~~~
{-----------------------}
離開西邊山已經有5個嘟鐘既現在，又向返第一日既賓館--湘民賓館(國營的)。卸下行裝=>醫飽個肚=>豪華的巴=>記憶的烙印~~附城第一中學~~
一生從未試過的，這裡一次過擁有~~haha
試過向中學既飯堂攞飯食~~如果有排隊掙飯食就最好~~hehe
試過比中學既女生們拉我去佢地的閏房參觀加食飯加試埋佢地既自家私房菜~仲有不斷咁寫地址比佢地~~
試過一班人比一間學校既人圍住唱「對面的女孩看過來」~~~
試過坐向台上既嘉賓席~~~
試過向住咁鬼死多人唱國、(一次過)
試過有成一千五百人圍住兼行埋去握手握到差d比人拉落街~~~
仲試過無啦啦比人攬住喊話唔捨得自己，跟住山洪瀑發，喜極而泣~~~
終於領略到喜極而泣的滋味~~~百感交集~~~不能盡錄~~~
要領略才能體會。
感謝他們﹗也感謝祢啊~~
後記…
難忘完之後，去擦餐飽既~~
haha~咱們去了一家火煱店，係咪食火煱呢﹖
我地果枱囉~~
Haha~~~~天時地凍，打邊泉~~very good~~~
好好好好味~~~
埋單只係$14.x一個人~~~連埋二杯lovely juicy~~抵到爛﹗~~~
其實仲有第五日，寫咗落張紙到，向reunion 時將我所有的相片及日記毫無保留地、以為可以攞返的情況下，一拼奉獻咗比個團長…社工大KEL先生。
如果阿大KEL先生有幸登入此BLOG，又咁好耐性睇到我呢篇發表的話，煩請將我的遺物一拼交返比我。謝謝﹗
No comments:
Post a Comment